Альбенаўскае

Возера Альбенаўскае знаходзіцца у Браслаўскім раёне Віцебскай вобласці, за 25 км на паўднёвы захад ад Браслава, на тэрыторыі нацыянальнага парка «Браслаўскія азёры».

Плошча люстра вады — 0,49 км², найбольшая глыбіня — 13 м, сярэдняя — 6,8 м. Даўжыня возера каля 1,48 км, найбольшая шырыня — 0,45 км. Дно пясчанае, на глыбіні пакрыта сапрапелем. Схілы катлавіны вышынёй 5–11 м, месцамі крутыя, берагавая лінія слабапарэзаная.

У возера ўпадае ручай, а працока вядзе ў Багінскае возера. Возера ўваходзіць у Браслаўскую групу — некалькі дзясяткаў азёр агульнай плошчай каля 130 км², злучаных працокамі і рэчкамі; большасць з іх ляжыць у басейне ракі Друйка.