Бярэжа

Возера Бярэжа знаходзіцца у Браслаўскім раёне Віцебскай вобласці, на паўночна-заходняй ускраіне Браслава, на тэрыторыі нацыянальнага парка «Браслаўскія азёры».

Плошча люстра вады — 1,93 км², найбольшая глыбіня — 8,2 м. Даўжыня возера каля 2,2 км, найбольшая шырыня — 1,4 км. Дно пясчанае, на глыбіні пакрыта сапрапелем. Усходні бераг высокі і пясчаны, схілы катлавіны на захадзе пакрыты лесам, а на астатніх участках разараны.

Пратокамі злучана з азёрамі Святца, Загноек і Ельна. Возера ўваходзіць у Браслаўскую групу — некалькі дзясяткаў азёр агульнай плошчай каля 130 км², злучаных працокамі і рэчкамі; большасць з іх ляжыць у басейне ракі Друйка.