Ельна

Возера Ельна знаходзіцца у Браслаўскім раёне Віцебскай вобласці, за 3 км на паўночны захад ад Браслава, на тэрыторыі нацыянальнага парка «Браслаўскія азёры».

Плошча люстра вады — 0,46 км², найбольшая глыбіня — 6,1 м. Даўжыня возера каля 1,61 км, найбольшая шырыня — 0,5 км. Мелкаводдзе вузкае, пясчанае. Схілы катлавіны на ўсходзе і поўдні вышынёй 10–13 м парослі сасновым лесам. Глыбей за мелкаводдзе дно пакрыта сапрапелевым ілам; водная расліннасць засяляе возера да глыбіні 2–2,5 м.

У возера ўпадае пяць ручаёў, у тым ліку з возера Бярэжа; на поўначы выцякае ручай у возера Струста. Возера ўваходзіць у Браслаўскую групу — некалькі дзясяткаў азёр агульнай плошчай каля 130 км², злучаных працокамі і рэчкамі; большасць з іх ляжыць у басейне ракі Друйка.